Willkomme zrugg bim Chääsblatt vo de Chlüpplis!
Fritig
Scho am 15.00 träffed di erste Chlüpplis im Berghof in Hallau ih, und schleppet Getränk (natürlich ohni Alkohol, mer sind schliesslich e seriösi Gugge) und Fressalie i di warm Stube. Wo alles verruumet gsi isch, hend immer meh Chlüpplis de Wäg ih di abglägi hallauer Höchi gfunde. D’Chuchimannschaft isch fliisig gsii und hend eus miteme feine Znacht beglückt.
LASAGNE! De Traum vo jedere Chatz und vo jedem Chlüppli 🙂
Nach em Gaumeschmaus simmer zum Gmüetliche Teil cho. Echli Spiili spille, trinke, schwätze, lache. Zu dem ganze het nachtürlich au es passends Outfit nöd dörfe fähle!!
Nach dem sich di meiste is Zimmer verzoge händ, hend anderi es kreativs Höch gha……….
Samschtig
……nachem Schönheitsschlaf folgt böses erwache. De ganz Berghof isch zueklebet mit Flachwitz und de Saal isch gruslig schön dekoriert. Isch echt das scho es Zeiche für eusi zwei Täufling? (Muahahahah)
Nachme feine Zmorge mit frischem Zopf (Danke Clumsy!), sind mer vo eusem neue meiSTEr übers Programm vom Probeweekend informiert worde.
Was allne zersch id Auge gstoche isch: Was zum F*** isch GCCSDCP?! Aber de meiSTEr het eus zabble lah.
Am 10ni isch gmeinsams Probe ahgseit, mer hend eus alli dusse pünktlich versammlet und sind gspanne gsi, was eus a dere Probe erwartet.
Euse neui Musikus Ste, het all eusi Erwartige übertroffe!
Unter de neue Leitig hemmer fliisig probet, mer het eus sogar bis is wiitentfernte Tal abe no ghört!
Wer d’Chlüpplis kennt, weiss, ohni Essen nix funktionieren diese! Drum hemmer eus am Mittag über en heisse Fleischchääs mit Herdöpfelsalat dörfe freue 🙂 Nach Speis und Trank hend mir eus am nächste Punkt ufem Programm gwidmet. LOTTO!! ääähh.. BINGO! neiii.. wüssemer au nöd eso gnau, ufjedefall schreie.
Priise dörfet natürlich au nöd fähle. De Habakuk het usem Drucker en chliine Drache, es Lagerfüür To Go und en Bierbüchsehalter zauberet! Ah dere Stell; Danke vill Mal für dini Müeh!
Ranglischte:
3. Platz –> Lara O’Fuck
2. Platz –> Sandro
1. Platz –> Shushu
Nach dem geschreie ischs denn wiitergange mit dem Probe, au das het wieder wie am Schnüerli klappet! Mer hend alles geh (wie immer) bis es sogar d’Fläsche putzt het!! Ganz zum Erstuune vode Clumsy!
Pünktlich am 6i, hend di hungrige Büüch schowieder knurret. Eusi Chuchimannschaft het eus mit Partyfilet und Chnöpfli verköstigt!
Nachdem alli satt gsi sind und d’Chuchi wieder poliert gsi isch, sind plötzlich alli wieder i ihrne Zimmer verschwunde. Möchtet denn die scho go schlafe? Ah nei, da war noch was! Ca. 2 Wuche vorem Probeweekend hend d’Chlüpplis e ominösi Ihladig mit de Post übercho (fast all, sorry Sam!)
Mir hend ja das Jahr no zwei Täufling wo ihri Zeremonie no erwartet! Passend zu de Jahresziit und em Datum, het sich s’Fischstäbli für e Horror-Taufi entschiede. Alli sind passend in schwarz erschiene… nume bi de Täufling Mitch und Dölf het s’outfit denn doch nöd so ganz für de Ihlass passt und sind dem entsprächend vo de Doorbitch uf d’Siite gno worde.
Mer erspared eu s’ganze Programm, die wo debii gsi sind chönds eu ja verzelle. Aber es paar Impressione düemer eu nöd vorenthalte 😉
Nachem Psalm us de unheilige Chlüpplischrift, isch Taufi denn volländet gsi. Gmüetlich bi guetem z’Trinke, guete Gsellschaft und Spieli, hemmer de Abig usklinge lah.
Sunntig
Da alli wieder es Jahr älter sind, het de erst am letschte nüme chöne guet Nacht sege, da am drüü am Morge scho Fiirabig gsi isch. Drum hemmer (fast) all mitenand chöne zmörgele und eus für de Progammbeginn stärche.
Mitere Ihlauf/Uslauf Üebig hend mer is Programm gstartet. Nach enere verhältnismässig churze Prob, hend mer ändlich mit dem verwirrliche Programmpunkt gstartet:
Guggemusig Chlüppliseck Chloote Suecht Di Coolsti Performance!!!
Mir hend de Uftrag becho, verschiedeni Guggelieder i drüü chline Gruppe z’performe.. Mer säget nöd vill meh dezue, lueget selber 🙂
De nöchsti Punkt ufem Programm… RICHTIG! ESSE! Eusi guete Reste hemmer fast komplett verdruckt. Ah dere Stell, es ganz sehr mega gigantisch grosses DANKESCHÖN a euses tolle Chuchiteam
(Fritschi, Ronny, Olga),
wo eus die Täg so guet versorget hend.
Nach dem mer eus d’Büüch vollgschlage hend, ischs leider scho wieder as Ufruume gange. Zack zack isch d’Hütte ganz routiniert putzt und poliert gsi.
So het s’Probeweekend leider scho wieder sis End gno. DANKE ad Chlüpplis für das AUSGESCHEISNETE weekend!!!! <3
OUT-TAKES
Lebenswiisheit zum Teile.
Man tanze kein Brakdance, wenn man
a) dies nicht kann
b) zu alt ist
c) Olga heisst
Fazit: Angerissenes Aussenband und e fetti blaui MÖÖÖÖÖSE
Olga het nur eis Gas; VollGaz
S’nöchste Mal lesemer eus wieder nachem 11.11. in Züri.
Eui treue Schriiberlings
Brändi und O’Fuck.