{"id":16079,"date":"2026-03-04T18:23:26","date_gmt":"2026-03-04T17:23:26","guid":{"rendered":"https:\/\/chlueppliseck.ch\/wordpress\/?p=16079"},"modified":"2026-03-04T18:36:22","modified_gmt":"2026-03-04T17:36:22","slug":"muenchenbuchsee-2026","status":"publish","type":"post","link":"https:\/\/chlueppliseck.ch\/wordpress\/2026\/03\/04\/muenchenbuchsee-2026\/","title":{"rendered":"M\u00fcnchenbuchsee 2026"},"content":{"rendered":"\n

Das Wuchenend hend mir d\u00f6rfe z’Buchsi z’Gast sii. De Ersti Treffpunkt vom Tag; d’Truppeunterkunft. Di eine Chl\u00fcpplis mit ihrne Bumscontainer, di andere ohni mobili Unterkunft. <\/p>\n

Wo denn de Tom i sim flitzige rote Smart um d’Kurve gflitzt isch, hend mer endlich ch\u00f6ne euses F\u00fc\u00fcf-Stern-Masselager go rekognosziere… – und ja wie s\u00f6llemer sege.. hauptsach es isch suuber oder? Im Vorfeld isch eus ufgfalle, dass die Halle doch echli wiit weg vo eusem Schlafplatz isch und mer eigentlich kei Ahnig hend, wie mer s\u00f6lled d\u00f6t here cho. z’Fuess? NEEEII, mer laufed doch keini 25 Minute mit Sack und Pack. Mit Helikopter? Mer sind leider ke riichi Gugge.. <\/p>\n

…AAAAHH ja genau, d’Staaaaaaaaner Schr\u00e4nzer hend ja en Car. Guet- Abcheckt, d’Chl\u00fcppli hend Platz – det wird mitgfahre. Nume d’Instrument hemmer irgendwie no m\u00fcesse det here bringe – zum Gl\u00fcck het sich de Muckel und Andrea bereit erchl\u00e4rt, das mit em Papamobil det here z’charre.. Danke eu zwei!! <\/p>\n

Aber halt.. wo isch d’Trumpete vom Muckel?? Genau – no Dehei. Toll. Danke f\u00fcr n\u00fct w\u00fcrd de D\u00f6lf jetzt sege. Also fr\u00f6gemer doch mal bi eusere neue Kollegegugge nah. Und Uups, det het au en Held vo de Staaner sini Guuge n\u00f6d debii.. und was jetzt? <\/p>\n

Ide Halle acho, ischs denn Ziit f\u00fcr de Znacht gsii. Mir sind mit Pasta und diverse Sauce verk\u00f6stigt worde, wunderbar isches gsi!<\/p>\n

Zurgg zum Trumpeteproblem.. De Muckel het n\u00f6d lang gfacklet und em aller liebste Schatz en Funk geh – ZACK, 2h sp\u00f6ter staht er da, mit sinere heldehafte Tat het er definitiv de Abig grettet, viele Dank liebe Rico!!! <\/p>\n

 <\/p>\n\n\n

\n
\"\"<\/figure>\n<\/div>\n\n\n

P\u00fcnktlich uf de ersti Uftritt het er’s id Halle gschafft. Da er am n\u00e4chste Tag wieder het m\u00fcesse fr\u00fceh use, isch er nume f\u00fcr de erst Uftritt blibe und het ufem Retourw\u00e4g doch grad no de arm chrank, trompetelosi Staaner mit Hei gno. Nume en chliine Umweg gsi \u00fcber Stei am Rhy. <\/p>\n

Trotz eusere chline Ahzahl a Chl\u00fcpplis hend mir de Uftritt souver\u00e4n gschmeisteret. Denah hend mer denn au echli ch\u00f6ne f\u00e4schte – aber n\u00f6d z’intensiv, da mer ja nomal en Uftritt hend. (Spielf\u00e4hig bliibe)<\/p>\n

Di eine hend i dere Ziit gschl\u00f6\u00f6felet, di andere s’Tanzbei gschwunge oder neui Bekanntschafte gmacht. d’Ziit isch vergange wie im Flug und scho isch de n\u00f6chsti Uftritt ahgstande. Au de isch eus wunderbar glunge. <\/p>\n

Vill meh gits da au gar n\u00f6d z’brichte. De Muckel het sich bereit erchl\u00e4rt Chl\u00fcppli-Taxi z’sii und het (fast) all wieder sicher zrugg id Luxus-Unterkunft bracht. Wie de D\u00f6lf und de Mitch wieder zrugg cho sind, blibt es R\u00e4tsel. ABER: Die zwei hend n\u00f6d ah R\u00fccksicht denkt und sind ine gschliche.. nei, sie hend sich luuthals gf\u00e4tzt und gw\u00e4tteret. Keine vo beidne cha sich dra erinnere.. def\u00fcr die wo usem Schlaf grisse worde sind.. und nomal; Danke f\u00fcr n\u00fct D\u00f6lf und Mitch. <\/p>\n

Am Sunntig Morge sind einigi scho fr\u00fceh usem N\u00e4scht und anderi sind liebevoll geweckt worde.. <\/p>\n

 <\/p>\n\n\n\n